Tá Comhairle Contae Átha Cliath Theas ag obair chun deireadh a chur le míbhuntáiste agus chun an caighdeán saoil atá ag na háitritheoirí go léir sa chontae a fheabhsú, go háirithe do phobail faoi mhíbhuntáiste, do dhaoine míchumasaithe agus do spriocghrúpaí iomchuí eile.  Is í an aidhm atá ag an aonad a gcuid cuspóirí a chur chun cinn trí chomhoibriú le comhlachtaí reachtúla agus deonacha, grúpaí pobail agus Bord Forbartha Contae Átha Cliath Theas. Is í Maria Finn an tOifigeach um Chuimsiú Sóisialta

Seo a leanas na cuspóirí atá ag an Aonad:

· Feasacht ar chuimsiú sóisialta a chur chun cinn, trí chláir oiliúna, cur i láthair agus eolas.

• Eolas a scaipeadh ar na scoileanna in Áth Cliath Theas agus cur leis an tuiscint ar chuid de na saincheisteanna a ghabhann leis an mbochtaineacht agus leis an éagothroime atá inár sochaí.
• An tSeachtain faoin bhFeasacht ar Chuimsiú Sóisialta de chuid Chontae Átha Cliath Theas a chur chun cinn agus a thuilleadh fós a chur léi.
• Teicneolaíocht a chur chun cinn i measc na bpobal nua atá againn agus i measc na ndaoine míchumasaithe.
• Tacú leis an Údarás Áitiúil chun an tseirbhís chuimsitheach is fearr is féidir a sholáthar dár gcustaiméirí go léir i gContae Átha Cliath Theas.
• Tacú le Foghrúpa an Bhoird Forbartha Contae do Bhearta don Chuimsiú Sóisialta chun na príomhghníomhaíochtaí a sholáthar .
• Leanúint de bheith ag cur reachtaíochta comhionannais i bhfeidhm trí bheartais i ndáil le cur chun cinn an chomhionannais.
• Páirt a ghlacadh i Líonra Chontae Átha Cliath Theas don Chuimsiú Sóisialta agus feabhas a chur air.
• Deiseanna nua nuálacha a aithint chun aghaidh a thabhairt ar eisiamh sóisialta ag féachaint don Phlean Gníomhaíochta Náisiúnta um Chuimsiú Sóisialta.
• Comhoibriú le Comhairle na nÓg chun cuimsitheacht a chur chun cinn agus chun daoine óga a spreagadh chun cead cainte a bheith acu maidir le todhchaí a gcontae.
• Sonraí cothrom le dáta a úsáid chun próifíl na bochtaineachta sa chontae a fhorbairt.
• Ócáidí a eagrú agus cuimsiú sóisialta mar théama acu.