Eolas faoin Rannóg Tithíochta

Réamhrá

Cuireann an Chomhairle, agus í ag bainistiú an 8,000 teach ar an meán atá ina stoc tithíochta, a seirbhísí ar fáil laistigh den chreat atá leagtha amach aici ina Ráiteas Beartais ar Bhainistíocht agus ar Chothabháil Tithíochta agus mar atá leagtha amach aici ina Plean Straitéiseach. Leagtar beartais chuimsitheacha amach sa doiciméad chun freastal ar riachtanais tríd an úsáid is mó is féidir a bhaint as na hacmhainní go léir atá ar fáil agus trí bheith ag obair i gcomhar le cónaitheoirí agus le raon leathan gníomhaireachtaí reachtúla, gníomhaireachtaí san earnáil phríobháideach agus gníomhaireachtaí deonacha agus pobail.

Is iad seo a leanas na príomhghníomhaíochtaí a bhíonn ar bun ag an Rannóg Tithíochta-

1. Áitribh a leithdháileadh,

2. Athchóiriú agus cothabháil a dhéanamh ar a stoc tithíochta,

3. Áitribh a dhíol le tionóntaí na Comhairle,

4. Measúnú a dhéanamh ar chíos agus cíos a bhailiú,

5. Iasachtaí agus deontais a thabhairt.

6. Bainistíocht Eastát/Rannpháirtíocht Chónaitheoirí a fhorbairt.

7. Áitribh phríobháideacha a bhíonn ligthe ar cíos a chlárú.

8. Cúrsaí Riaracháin/Cúram do Chustaiméirí.

9. Sainchóiríocht don Lucht Taistil a chur ar fáil, a leithdháileadh, a chothabháil agus a bhainistiú.